2023-mi januaarimiit juunimut aalisakkanik avammut tunisineq
Siunertaq
Saqqummersitap siunertaraa piaarnerusumik aalisarnermiit avammut tunisartakkat tamanut paasissutissiissutiginissaat.
Imarisaa
Saqqummersitami ilaatinneqarput Kalaallit Nunaata aalisarnermi avammut tunisartagarisai pingaarnerit. Tassani pineqarput raajat, saarulliit, qalerallit, saattuat, nipisap suaalu. Tunisassiat allat assersuutigalugu suluppaakkat, qeeqqat, aalisakkat immap ikeraneersut, uiluiit, puisininngaaneersut, savaninngaaneersut uumasuillu allaneersut saqqummersitami taamaalillutik ilaatinneqanngillat.
Avammut tunisat nalingi 4,0 pct.-inik annertuseriarput
2023-mi januaarimiit juunimut avammut tunisat nalingi katillugit 2.199 mio. kr.-usimapput. Ukiup siulianut sanilliullugit 84 mio. kr.-nik annertunerupput, annertuseriarnerlu katillugu 4,0 pct.-iuvoq. Eqqumaffigineqassaarli naatsorsuutit kisitsisaagallartuummata taamaattumillu kingusinnerusukkut iluarsiiffigineqarsinnaallutik paasissutissanik tamakkiisunik tigusinermi.
Titartagaq 1. Avammut tunisat nalingat januaari-juuni, mio. kr.
Raajat
Raajat 2023-mi januaarimiit juunimut avammut tunisaanerisa nalingat 0,9 pct.-imik annikilleriarsimavoq, tamanna 11 mio. kr.-nik naleqarpoq. Avammut tunisat annertussusaat 12,6 pct.-imik annikilleriarsimasoq akillu 13,4 pct.-inik qaffallutik.
Qalerallit
Qalerallit avammut tunineqartut nalingat 15,7 pct.-imik qaffariarsimavoq, tunineqartut annertussusaat 10,7 pct.-imik annertuseriarsimasoq. Taamaalilluni kiilumut akit 4,5 pct.inik qaffassimapput.
Saarulliit
Saarulliit avammut tunineqartut nalingat 18,7 pct.-imik qaffariarpoq, tunineqartut annertussusaat 2,5 pct.-imik annertuseriarsimallutik. Saarulliit avammut tunineqartut kiilumut akia 15,8 pct.-imik qaffariarpoq.
Saattuat
Saattuat avammut tunineqartut nalingat 43,0 pct.-imik annikilleriarsimavoq, tunineqartut annertussusaat 21,0 pct.-inik annertuseriarsimallutik. Kiilumut akia 52,9 pct.-inik annikilleriarsimalluni.
Nipisap suai
Nipisap suai avammut tunineqartut nalingat 49,3 pct.-imik qaffariarsimavoq, tunineqartut annertussusaat 72,7 pct.-imik annertuseriarsimavoq. Kiilumut akia 13,6 pct.-inik annikilleriarsimalluni.
Titartagaq 2. Aalisakkat avammut tunisaanerat, mio. kr.
Najoqqutaq: https://bank.stat.gl/IENEXPMND
Titartagaq 3. Aalisakkat pingaarnerit avammut tunisaanerat, qaammatikkaarlugu
Najoqqutaq: https://bank.stat.gl/IENEXPMND
Titartagaq 4. Pct.-inngorlugu allannguutit ukiup siulianut sanilliullugit, Raajat
Titartagaq 5. Pct.-inngorlugu allannguutit ukiup siulianut sanilliullugit, Saarulliit
Titartagaq 6. Pct.-inngorlugu allannguutit ukiup siulianut sanilliullugit, Qalerallit
Titartagaq 7. Pct.-inngorlugu allannguutit ukiup siulianut sanilliullugit, Saattuat
Titartagaq 8. Raajat qalipallit qalipaajakkallu kiilumut akiisa ineriartornerat
Najoqqutaq: https://bank.stat.gl/IENEXPMND
Titartagaq 9. Qalerallit suliareqqitat suliareqqitaanngitsullu kiilumut akiisa ineriartornerat
Najoqqutaq: https://bank.stat.gl/IENEXPMND
Titartagaq 10. Saarulliit suliareqqitat suliareqqitaanngitsullu kiilumut akiisa ineriartornerat
Najoqqutaq: https://bank.stat.gl/IENEXPMND